Өмірбаян

Еримпашева Аида Тілектесқызы – экономика, менеджмент және маркетинг салаларында тәжірибелі оқытушы және сарапшы. 1992 жылы Жамбыл гидромелиоративтік-құрылыс институтын "Су шаруашылығы экономикасы және ұйымдастырылуы" мамандығы бойынша үздік бітірді. Оқуды аяқтағаннан кейін "Талдау және болжау" кафедрасына стажер-оқытушы ретінде шақырылып, кейін "Экономика және басқару" кафедрасында педагогикалық және ғылыми қызметін жалғастырды. 1993 жылдың желтоқсанында Т. Рысқұлов атындағы Қазақ экономикалық университетінің (НАРХОЗ) "Агробизнес" кафедрасының күндізгі аспирантурасына 08.00.05 – Экономика мамандығы бойынша оқуға түсті. 1999 жылы оның кандидаттық диссертациясы "Экономика" кафедрасында (НАРХОЗ) мақұлданып, 2000 жылы Л.Н. Гумилев атындағы Еуразия ұлттық университетінің Д 14.45.01 диссертациялық кеңесінде (Астана) табысты қорғалды. Диссертация тақырыбы: "Агроөнеркәсіптік кешенді басқарудың экономикалық механизмі кооперация жағдайында". 1995–1997 жылдары КИМЭП университетінде "Мемлекеттік басқару магистрі" бағдарламасы бойынша оқып, "6М051000 – Мемлекеттік және жергілікті басқару" мамандығы бойынша магистр дәрежесін алды. 1999–2003 жылдары Л.Н. Гумилев атындағы ЕҰУ "Менеджмент және маркетинг" кафедрасында аға оқытушы, кейін доцент қызметін атқарды. Сонымен қатар, ЕҰУ Экономика институтының ғылыми хатшысы және Қазақстан Республикасы Білім және ғылым министрлігі Ғылым комитетінің Экономика институты филиалының директоры қызметін қоса атқарды. 2003–2009 жылдары әл-Фараби атындағы Қазақ ұлттық университетінің "Менеджмент және бизнес" кафедрасының доценті болып, "Жобаларды басқару", "Инвестициялық менеджмент", "Мемлекеттің инвестициялық саясаты" пәндерінен дәріс оқыды. 2011–2012 және 2018–2019 жылдары UIB университетінде оқытушы болып қызмет етті. 2012 жылы "UIB үздік оқытушысы" атағына ұсынылды. 2012–2018 жылдары AlmaU (Алматы Менеджмент Университеті) "Менеджмент және маркетинг" және "Маркетинг, мейрамхана ісі және қонақжайлылық бизнесі" кафедраларының доценті болып қызмет атқарды. 2018 жылдан бастап "Халықаралық қатынастар және әлемдік экономика" кафедрасының оқытушысы. FIBAA сарапшысы, қауымдастырылған профессор ғылыми атағы бар.